Mij hööptemedïedte?
Nöörjesne mijjen lea dïedte laaken mietie maam joem darjodh gosse åadtjobe itjmies meadtoej bïjre daejredh goh buvveme, seksuaalemeadtoe, vædtsoehvoete lïhke relasjovnine jallh seksuelle daaresjimmieh maanaj vööste.
Daate dïedte gohtjesåvva hööptemedïedte, jïh lea faamosne gaajhkesidie – dovne dutnjien gie almetjigujmie barkh jïh sjaevehtsvoetedïedtem åtnah, jïh dutnjien goh privaate almetje.
Hööptemedïedte lea laakevïedteldihkie bysvehtslaakesne § 196. Gosse maam akt vuejnebe mij ij sjïehth, tjoerebe doestedh pryöjjadidh – dan åvteste muvhten aejkien lea raaktan dihte mij maahta jieledem beerkedh.
Gåessie edtjem hööptemedïedtem nuhtjedh?
Dïedte dallatjinie aalka gosse åadtjoeh daejredh – jallh seapan sïjhth aerviedidh – itjmies meadtoe sæjhta sjugniehtovvedh. Ih daarpesjh seekere årrodh. Nuekie datne aervedh daate seapan sæjhta sjugniehtovvedh.
Jis ij leah jearsoe dutnjien jïjtje maam joem darjodh, dov lea læjhkan dïedte bïeljelidh. Maahtah hööptedh gosse gaskesadth:
- Pollisem
- Maanavaarjelimmiem
- jallh jeatjahlaakan pryövh heerredidh dahkoe sjugniehtåvva
Daejredh maam edtjh darjodh – jïh gåessie – maahta abpe joekehtsem darjodh. Vaeltieh maaje mijjen e-lïeremekuvsjem juktie vielie lïeredh.
Mah vædtsoehvoete- jïh seksuaalemeadtoeh dov lea dïedte pryövedh hööptedh?
Bysvehtslaake gellide meadtojde vueshte mejtie dov lea dïedte pryövedh hööptedh:
§ 255 Kruepies frijjevoeteryöveme
§ 256 Sjïehtedimmie kruepies frijjevoeteryövemen bïjre
§ 262, mubpie lïhtse: Pruvreme giejnie gie vuelelen 16 jaepien båeries
§ 279 Sjïehtedimmie buvvemen bïjre jallh stoerre skaaram kråahpese jallh healsose darjodh
§ 282 Daaresjimmie lïhke relasjovnine
§ 283 Daaresjimmie lïhke relasjovnine
§ 288 Naakenem laehpedh gie ij jïjtje bïerkenh
§ 295 Båajhtoeh åtnoe bijjiefaamoetsiehkeste jïh plearoeh
§ 299 Maanam vuelelen 14 jaepien båeries raantan vaeltedh
§ 303 Kruepies seksuelle dååkerdimmie jïh vielie maanajgujmie gaskem 14 jih 16 jaepien båeries
§ 312 Inseste, gosse offere lea vuelelen 16 jaepien båeries
Jeatjah meadtojde mejtie dov lea dïedte hööptedh, gïehtjh bysvehtslaakem § 196
5 gyhtjelassh juktie gïehtjedidh mejtie dov lea hööptemedïedte
Animasjovnefilme vïjhte gyhtjelassh vuesehte mejtie maahtah gihtjedh juktie gïehtjedidh mejtie dov lea hööptemedïedte bysvehtslaaken mietie. Aaj åadtjoeh ånnetji daejredh gïese maahtah bïeljelidh.
Onterdh mejtie dov lea hööptemedïedte?
Daesnie vïjhte gyhtjelassh mah maehtieh viehkine årrodh.
Hööptemedïedte lea faamosne gaskem jeatjah tsiehkine gusnie vaahra naaken naakenem raantan vaalta, naakenem buvvie, daaresje lïhke ektiedimmine jallh seksuelle daaresjimmieh maanaj vööste dorje. Daate lea dahkoeh mah bysvehtslaaken paragraafen 196 nualan båetieh.
Såemies aejkien dam seekerelaakan daajrah, jeatjah aejkien dov lea nåake sovme. Nuekie datne vïenhth daate seapan sååjhtoe heannadidh. Dellie dov lea hööptemedïedte. Dov aaj hööptemedïedte jis vïenhth lea vaahra dahkoe sæjhta mubpesth sjugniehtovvedh.
Jis buektehth, pryövh heerredidh dahkoe sjugniehtåvva. Jis dahkoe joe lea sjugniehtovveme, dov lea dïedte skaarah jïh jeatjah konsekvensh destie heerredidh.
Dov ij leah hööptemedïedte jis dïhte jieledem jïh healsoem vaahrese beaja.
Ij guhte dïedtem utnieh jïjtjemse jallh naan ov-såahtan almetjh baajedh bïedtehtovvedh jallh sikteme sjïdtedh. Dellie tjoerh pryövedh dam jeatjahlaakan heerredidh goh pollisese bïeljelidh. VUEPTESTH daate ij leah faamosne jis offere lea unnebejaepien, jïh dïhte mij baaja årrodh hööptedh hoksedïedtem maanan åvteste åtna.
Jis vaestiedasse daejtie gyhtjelasside lea «Jaavoe», dov lea dïedte pollisese bïeljelidh jallh jeatjahlaakan pryövedh hööptedh olles dahkoe sjugniehtovvh. Mujhtieh hööptemedïedte iktesth sjaevehtsvoetedïedten åvtelen båata, jis dov lea.