E-lïeremekuvsje dïedten bïjre vædtsoehvoetem jïh daaresjimmiem hööptedh
Daesnie såemies åenehks e-lïeremekuvsjh hööptemedïedten jïh jeatjah dïedti bïjre gaavnh mah maehtieh sjyöhtehke sjïdtedh aamhtesinie vædtsoehvoeten jïh daaresjimmiej bïjre.
Kuvsjh leah dorjesovveme ihke edtja aelhkebe sjïdtedh guarkedh jïh maam joem darjodh jis åådtje daejredh jallh veanhta naakenh sijhtieh itjmies meadtoeh dååjredh goh vædtsoehvoete lïhke relasjovnine jïh seksuaalemeadtoeh.
E-lïereme namhtah, jïh vaalta 15-20 minuhth dam tjïrrehtidh. Maahta dam akti akti nuhtjedh jïh goh bielie sisnjelds lïerehtimmeste jallh faagetjåanghkojne.
Lea kuvsjide joekehts ulmiedåehkide sjïehtedamme, dej gaskem:
- Lohkehtæjjah jïh barkijh skuvlesne
- Healsoe- jïh hoksealmetjh
- Barkijh maanagïertesne
- Jeatjebh mah gaskesem utnieh maanajgujmie, noerigujmie jallh geerve almetjigujmie prååsehke tsiehkine
Ulmie lea jearsoesvoetem, daajroem jïh dahkoemaahtoem dejnie tsiehkine vedtedh gusnie hööptemedïedte maahta faamosne årrodh, guktie jienebh maehtieh viehkiehtidh vædtsoehvoetem jïh daaresjimmieh heerredidh jïh tjöödtjestidh.
Bïhkedæjja juktie e-lïeremekuvsjem tjïrrehtidh
Daate bïhkedæjja lea dejtie mah edtjieh ektie tjïrrehtimmiem e-lïeremekuvsjeste stuvredh hööptemedïedten bïjre, mij dej barkoesæjjan sjeahta.
Vuartesjh e-lïeremekuvsjide daesnie
«Dïhte ov goh gaajege sjædta …»
Per 18 jaepien båeries jïh jeatjahlaakan dåemiedamme minngemes tïjjen. Daelie skuvlese båata våajnoes plaave mïerhkigujmie kråahpesne.
«Ij gåessie gih goltelh!»
Maanagïertelohkehtæjja vesties saejriem Hiljen rudtjesne vuepteste. Tjidtjebe maahta tjïelkestidh mij sjugniehtovveme?
«Veartene lij buerebe orreme monnen namhtah!»
Jåvva, gie aarebi lea dööpmesovveme paartnerevædtsoehvoeten gaavhtan juakadimmiem tjïrrehteminie. Dïhte joekoen ermies.
«Im raaktan åadtjoeh datnine soptsestidh …»
Lena guejmine ektine jeala mij satnem stuvrie. Gosse tsegk-ietniem råaka dïhte jueriedisnie jïh ov-jearsoes vååjnoe.
«Manne nåake domtesem tjåejjesne gaajhkeste åadtjoem …»
Idun jïh Ramo jïjtjevyljehke juelkietjengkeresaavrehtæjjine barkijægan baernide mah 10 jaepien båeries. Hamid tjïertesne speala. Minngemes tïjjen dïhte aalkeme jeatjahlaakan dåemiedidh.
«Tjoerh dåajvoehtidh ij dam gïese akt soptsestidh … Dellie gaajhkem dassem!»
Sandra båehtjierdimmesne vaadtsa psykologen luvnie. Psykologe tjoeperde mejtie vædtsoehvoetem ektieårroejistie dååjroe.
Nasjonaale daajroejarnge vædtsoehvoeten jïh traavmatihkeles raessien bïjre kuvsjide evtiedamme laavenjostosne faagealmetjigujmie, jïh skraejrien mietie Justijse- jïh riejriesvoetedepartemeenteste. Dah praktihkeles bïhkedimmiem vedtieh guktie hööptemedïedtem jïh jeatjah sjyöhtehke dahkoedïedth illie ovmessie barkoeråålline jïh tsiehkine.
Maam datne lih sïjhteme darjodh?
Vuartesjh teaserem – jïh lïerh vielie e-lïeremekuvsjesne hööptemedïedten bïjre bijjielisnie.