Plikt.no:n bïjre

Nasjonalt kunnskapssenter om vold og traumatiske stress, NKTVS, dinutvei.no:n tjïrrh lea Plikt.no dorjeme, stillemen mietie Justijse – jïh riejriesvoetedepartemeenteste.

Nedtesæjroe edtja viehkiehtidh voerkesvoetem lissiehtidh hööptemedïedten bïjre aamhtesinie vædtsoehvoete- jïh seksuaalemeadtoen bïjre. Plikt.no bæjhkoehtamme sjïdti 2019 jïh lea bielie råajvarimmiepaahkeste dahkoesoejkesjisnie vædtsoehvoeten vööste lïhke relasjovnine, (2014-2017), Et liv uten vold.

Jaepien 2026 plikt.no orresistie bæjhkoehtamme sjidti orre hammosne. Ulmie lij utnijevietselesvoetem lissiehtidh jïh aelhkebe darjodh sæjrosne gaavnedh.

• Nasjonaale daajroejarnge vædtsoehvoeten jïh traavmatihkeles raessien bïjre
• Dinutvei.no Nasjonaale bïhkedæjja aamhtesinie vædtsoehvoeten jïh daaresjimmiej bïjre

Dïedte vædtsoesvoetem jallh daaresjimmiem hööptedh

Gaajhkesh mijjieh dïedtem utnebe heerredidh olles naaken itjmies meadtoeh dååjrh, dahkoeh mah maehtieh jieledem jïh healsoem vaahrese bïejedh. Hööptemedïedte lea faamosne gaajhkesidie, dovne barkijh sjaevehtsvoetedïedtine jïh privaate almetjh.

Hööptemedïedte lea vaenie damtoes. Goerehtimmie Maana-, noere- jïh fuelhkiedirektoraateste jaepien 2018 vuesehte 74 proseenth mijjeste eah leah dan bïjre govleme. Ajve 1 ållesth 10 barkijijstie healsoesuerkesne, skuvlesne, maanagïertesne, SAØ:sne jallh astoeaejkiedåehkesne hööptemedïedten bïjre daajra jïh daajra maam ulmide dïhte åtna.

Hööptemedïedte lea joekoen sjyöhtehke barkoedåehkide mah almetjh sijjen barkosne gaavnedieh, jïh maehtieh tsiehkide båetedh gusnie tjuerieh vuarjasjidh mejtie dïedtem utnieh pryövedh daaresjimmieh jïh kruepies vædtsoehvoetem hööptedh. Faatoes daajroe jïh joekehts goerkese hööptemedïedten bïjre jïh guktie dorje, maahta gaajhken vïerremes heerredidh maanah jïh noerh eah dam daerpies viehkiem nuekie varke åadtjoeh. Maahta aaj haestemh laavenjostosne sjugniedidh joekehts faagealmetji jïh barkoedåehkiej gaskem.

Sijjesne plikt.no bïevnesh hööptemedïedten bïjre gaavnh, jïh guktie maahtah hööptedh laavenjostosne dejnie man bïjre lea. Datne aaj bijjieguvviem gaavnh mah såarhts vædtsoehvoete- jïh seksuaalemeadtoeh dov lea dïedte hööptedh. Plikt.no edtja bïhkedimmine dutnjien årrodh gie maahta tsiehkide båetedh gusnie onterdh mejtie dov lea dïedte vædtsoehvoetem jallh daaresjimmieh hööptedh.