E-oahppankurssat hehttengeatnegasvuođa birra veahkaválddi ja illasteami oktavuođas
Dás gávnnat muhtin oanehis e-oahppankurssaid hehttengeatnegasvuođa ja eará geatnegasvuođaid birra mat sáhttet gustot veahkaválddi ja illasteami oktavuođas.
Kurssat veahkehit du ipmirdit maid galggat dahkat, jus oaččut diehtit dahje jáhkát ahte muhtun sáhttá šaddat duođalaš láhkarihkkuma gillájeaddjin. Sáhttá leat sáhka veahkaválddis lagas oktavuođain dahje veagalváldimis.
E-oahppan lea nuvttá, ja kurssa čađaheapmi bistá 15–25 minuhta. Kurssaid sáhttá čađahit okto dahje oassin bargosaji siskkáldas oahpahusas dahje fágačoahkkimiin.
Kurssat leat heivehuvvon iešguđet ulbmiljoavkkuide, earret eará:
- Oahpaheddjiide ja eará skuvlabargiide
- Dearvvašvuođa- ja fuolahusbargiide
- Mánáidgárdebargiide
- Earáide geat deaivvadit mánáiguin, nuoraiguin dahje rávesolbmuiguin geat leat hearkkes dilis
Ulbmil lea nannet sihkarvuođa, máhtu ja dáiddu doaibmat diliin main hehttengeatnegasvuohta sáhttá gustot. Ná sáhttet eanet olbmot leat mielde eastadeamen ja bisseheamen veahkaválddi ja illasteami.
Bagadus e-oahppankurssaid čađaheapmái
Dát bagadus lea sidjiide geat galget jođihit hehttengeatnegasvuođa e-oahppankurssaid oktasaš čađaheami ja heivehit dan iežaset bargosadjái.
Geahča e-oahppankurssaid dás
«Son suhttá fáhkka nu sakka …»
Per lea 18-jahkásaš, ja maŋemus áiggi son lea láhtten eará láhkai go ovdal. Dál son boahtá skuvlii, ja sus oidnojit alit mearkkat.
«Son ii goassege gula maid mun dajan!»
Mánáidgárdeoahpaheaddji fuomáša fasttes hávi Eliasa čielggis. Sáhttá go eadni čilget mii lea dáhpáhuvvan?
«Máilbmi livččii buoret munno haga!»
Jonas lea ovdal dubmejuvvon veahkaválddi geažil iežas guoimmi vuostá. Dál son ja su guoibmi leaba earráneamen. Son lea hirbmsit suhttan.
«Mus rievtti mielde ii leat lohpi hállat duinna …»
Lena eallá oktavuođas mas su guoibmi mearrida su badjel. Go Lena ja jorttamovra deaivvadeaba, de Lena orru eahpesihkarin ja dorvvuheapmin.
«Mu mielas dás ii leat buot nu go galggašii …»
Idun ja Ramo leaba eaktodáhtolaš spábbačiekčanhárjeheaddjit 10-jahkásaš gánddaide. Hamid čiekčá joavkkus. Maŋemus áiggi son lea láhtten eará láhkai go ovdal.
«Fertet lohpidit ahte it muital geasage … Dalle mun massán buot!»
Sandra oažžu divššu psykologa luhtte. Psykologa fuolastuvvá ahte Sandra elošguoibmi soaitá atnit veahkaválddi su vuostá.
Nationála máhttoguovddáš veahkaválddi ja traumáhtalaš streassa birra lea ráhkadan kurssaid ovttas fágaolbmuiguin, Justiisa- ja gearggusvuođadepartemeantta álgaga vuođul. Kurssat addet geavatlaš bagadusa dasa, mo ollašuhttit hehttengeatnegasvuođa ja eará guoskevaš doaibmageatnegasvuođaid iešguđet ámmáhiin ja diliin.
Maid don livččet dahkan?
Geahča oanehis ovdanbuktinvideo ja oahpa eanet hehttengeatnegasvuođa birra e-oahppankurssas. Kurssa gávnnat bajábealde.