Datne kraanna, voelpe, lïhkesadtje jallh barkoeguejmie?

Jis åadtjoeh daejredh naakenh vædtsoehvoetem jallh daaresjimmiem dååjroeh, dov lea nuepie viehkiehtidh. Maahtah aaj dïedtem utnedh laaken mietie heerredidh olles daate sjugniehtovvh.

Ij edtjh naan såarhts vædtsoehvoeth jååhkesjidh. Hööptemedïedte sæjhta jiehtedh dïedte vædtsoehvoetem hööptedh mij lea stoerre vaahrese jieliedasse jïh healsose, jïh såemies vihties meadtojde vuesehte.  

Maahta haestije årrodh daejredh gåessie dov lea hööptemedïedte, jïh guktie maahtah jearsoeslaakan hööptedh dïsse man bïjre lea.

• Gåessie hööptemedïedte faamosne? Bijjieguvvie vædtsoehvoete- jïh seksuaalemeadtoej bijjeli gusnie hööptemedïedte lea faamosne.
• Dov hööptemedïedte? Gyhtjelassh mah maehtieh viehkine årrodh jis onterdh mejtie dov lea hööptemedïedte.

Tjoerem jïjtje maam darjodh?

Daaresjimmie lea daamtaj mij akt mij sueleden dorjesåvva, jïh bielelen naakenh dam vuejnieh. Jis naakene edtja dutnjien bievnedh, jallh datne jeatjahlaakan åadtjoeh daejredh vædtsoehvoete jallh daaresjimmie sjugniehtåvva, dellie vihkele datne goltelh jïh maam akt darjoeh.

Såemies aejkien daerpies datne maam akt dallatjinie darjoeh. Ij sïjhth jiehtedh datne jïjtje tjoerh maam darjodh jallh jïjtjemdh vaahrese bïejedh juktie maam akt hööptedh. Maahta hööptedh jis pollisese jïh/jallh maanavaarjelæmman bïeljelh. Jis gåarede, maahtah aaj almetjem seekerevoetese viehkiehtidh, vuesiehtimmien gaavhtan aehpiejarngese.

Jeatjah aejkien dov lea dagke nuepie soptsestidh dejnie man bïjre lea. Dellie maahtah goltelidh jïh gyhtjelassh gihtjedh. Pryövh goerehtidh man itjmies tsiehkie lea, jïh man varke lea daerpies maam akt darjodh. Pryöveden jearsoe vuekieh ektesne gaavnedh.

Jeenjesidie lea geerve vædtsoehvoeten jïh daaresjimmien bïjre soptsestidh, joekoen jis naakene gie maanan lïhkebisnie lea dam dorjeme. Ij leah seekere dah buektiehtieh dan bïjre soptsestidh dallatjinie. Dan åvteste maahta daerpies årrodh gellien aejkien gihtjedh, jïh vuesiehtidh datne sïjhth maaje jåerhkedh viehkiehtidh.

Ohtsh raerieh

Gaskesadth maanavaarjelimmiedïenesjem jallh pollisem nommerisnie 02800 jis leah jueriedisnie. Tjïelkesth guktie tsiehkie lea, jïh birrh viehkien bïjre vuarjasjidh maam maahtah darjodh. Maahtah anonyme årrodh, jïh ih daarpesjh jïjtjedh jallh mubpiej nommem saarnodh.

Jis leah geerve almetje jïh maaneste tjoeperdh, maahtah aaj Alarmtelefonen for barn og unge gaskesadtedh nommerisnie 116 111. Aehpiejarnge jallh healsoeskïemtjesåjhtere maahta aaj raerieh vedtedh, jearohke giestie gie lea vaahresne jïh man fuehpede lea.

Vuartesjh bijjieguvviem viehkiefaalenassi bïjjeli sijjesne dinutvei.no.